Grunnskólarnir í Grafarvogi, á Kjalarnesi og Íslenskuþorpið
10. maí
Ríma
13:31 - 14:00

Viltu tala íslensku við mig?

Grunnskólarnir í Grafarvogi og á Kjalarnesi eru með samstilltu átaki að vinna að innleiðingu nýrra leiða í kennslu íslensku sem annars máls undir yfirskriftinni Viltu tala íslensku við mig? Markmiðið er að gera nemendur með íslensku sem annað mál að virkum þátttakendum í skólastarfinu og skólasamfélaginu. Verkefnið tengist sérstaklega samfélags- og læsisþætti menntastefnunnar þar sem megináhersla er lögð á hæfni til að eiga árangursrík samskipti í skólanum og úti í samfélaginu ásamt því að geta lesið, skilið og túlkað mál, texa, umhverfi og hegðun. Allt starfsfólk skólanna fær fræðslu um fjölmenningu og fjölmenningarlega kennsluhætti og erlendu starfsfólki er boðið upp á íslenskunámskeið með mentor.  

Stjórnendur munu svara spurningum áhugasamra í Sýningarherbergi um fjölmenningu og fjöltyngi klukkan 14:30.