Guðrún KaldalFrístundamiðstöðin Tjörnin
10. maí
Norðurljós
16:40 - 16:56

Vaxandi

Starfsárið 2019-2020 hófst innleiðing á verkefninu Vaxandi í frístundamiðstöðinni Tjörninni. Um er að ræða verkfæri til að innleiða hæfniþætti menntastefnu Reykjavíkurborgar. Meginmarkið Vaxandi ganga út á valdeflingu starfsmanna, barna og unglinga, að auka fagmennsku, minnka streitu og auka samstarf á milli fagaðila. 

Vaxandi byggir á hugmyndafræði jákvæðrar sálfræði og innleiðingin var unnin í góðu samstarfi við Háskóla Íslands. Dr. Ingibjörg V. Kaldalóns,  lektor á menntavísindasviði stýrði 10 vinnustofum og Bryndís Jóna Jónsdóttir, aðjúkt leiddi núvitundarnámskeið. 

Starfsmenn fengu fræðslu og aðstoð við að búa til verkfæri til að efla félags- og tilfinningarhæfni hjá sjálfum sér og til að nota í starfið. Vaxandi er ætlað að styðja við formlegt skólastarf og uppeldisumhverfi barna út frá hæfniþáttum menntastefnu. Í kynningunni verður farið yfir innleiðinguna. Verkefnið hefur nú fengið styrk úr þróunarsjóði menntastefnu fyrir starfsárið 2020-2021.

Þetta erindi var fyrst flutt á Höfuð í Bleyti í september 2020.

Tengt efni: